Teri yaad roshni hai

Teri yaad roshni hai mera dil chamak raha hai

Tere zikar k golon se mera ghar mehak raha hai

Abhi aas hai Tumhari abhi mein mari nahi hoon

Abhi Saans chal rahi hai abhi dil dharak rahai hai

Ussy ye batao Do ghaz hi zameen ka hai wo malik

kai kothiyan bana k jo bohat behek raha hai

Na chal itna sar utha kar ye hayat muktasir hai

Kahin moat ka farishta teri raha tak raha hai

Tumhi aao to bache ga ye diya mohabbaton ka

Jisay tum jala gaye the wo palak jhapak raha hai

Read More

Mere Maseeha mein jee uthungi

Mere Maseeha mein jee uthungi duwain de de dawa se pehle

Hayat mein noor ban k aa ja ghamon ki kali ghata se pehle

Wo bewafa ho gaya hai phir bhi ussi ki yadoon mein ghom rahon gi

Ye kaise bholon k usne mujh se wafa bhi ki hai jafa se pehle

Jo chahte hain madad sabhi se zalil hote hain wo jahan mein

Nawazti hai unhi ko duniya jo mangte hain Khuda se pehle

Watan bachane ka waqat hai ye makaan bachane ki fikar choro

Mere bhi hathon mein de do parcham mere bhozorgo hina se pehle

Khatayen mujh se hoi hai lekin mujhe yaqeen hai tu bakhsh de ga

Main hashar k din pokar lon gi tere karam ko saza se pehle

Read More

jo hai naseeb mein wo kham nahi nikalta hai

Jo hai naseeb mein wo kham nahi nikalta hai

Hamare dil se tera ghum nahi nikalta hai

Sabhi ki piyas ko aezaz ye nahi milta

Sabhi ki aeri se Zamzam nahi nikalta hai

Kahan hai aa ja k main ab sakoon se marr to sakun

Tere bagair mere dam nahi nikalta hai

Read More

Meri ummeed mera pyar meri aas raho

Meri ummeed mera pyar meri aas raho

Tum mujhe chor k mat jao mere pas raho

Rozi roti k liye apna watan mat choro

Jis ko seecha hai laho de k wo chaman mat choro

Ja k pardes mein chahat ko taras jao ge

Aesi beloas mohabbat ko taras jao ge

Phool pardes mein chahat ka nahi khilta hai

Eid k din bhi gale koi nahi milta hai

Main kabhi tum se karon gi na koi farmaish

Aesh o aaraam ki jagegi na dil mein khowaish

Fatima bibi ki bandhi hon bharosa rakho

Main tumhare liye jeeti hon bharosa rakho

Lakh dukh dard ho hans hans k guzar kar longi

Peat par band kar pathar bhi basar kar longi

Tum agar jao ge pardes saja kar sapna

Aur jab aao ge chamka k muqadar apna

Mere chere ki chamak khakh mein mil jaye gi

Meri zulfon se ye khushbo bhi nahi aaye gi

Heere aur moti pehen kar bhi na saj paongi

Surq jore mein bhi bewa si nazar aaongi

Dard e furqat ghum e tanhai na seh paongi

Main akeli kisi surat na reh paongi

Mere dhaman k liye bagh mein kante na chuno

Tum ne jane ki agar thanli dil mein to suno

Apne hanthon se mujhe zeher pila kar jana

Meri mitti ko bhi mitti mein mila kar jana

Read More

Na Miti Thi Na Miti Hai Na Mitegi URDU

Na Miti Thi Na Miti Hai Na Mite gi URDU

Chahne Walon Ke Honton Pe Rahegi URDU

Ye Zaban Wo Hai Jo Mahlon Mein Rahi Aan Ke Sath

Aur Mazdoor Ke Ghar Mein Bhi Rahi Shaan Ke Sath

ISHQ Ki Raah Ko Isne Kayi Raahi Bhi Diye

Sarhadon Ke Liye Jaanbaz Sipahi Bhi Diye

Jazba e Jung Ko Seenon Mein Jagaya Isne

Apne Bharat Ko Ghulami Se Chhraya Isne

Ye Zaban Jaise Usoolon Ki Zaban Lagti Hai

Aesi Dilkash Hai K Phoolon Ki Zaban Lagti Hai

Iske Nazdeek Na Hindu Na Musalman Koi

Jisne Apnaya Ise Pyar Se Uski Ye Hui

Ye Taassub Ke Andheron Ko Mita Deti Hai

Aandhiyon Mein Bhi Chiragh Apna Jala Deti Hai

Ja Ke Shaikh Ki Dahleez PaFan Ban Jaye

Poche Mandir Mein To Meera Ka Bhajan Ban Jaye

Ye To Hai Pyar Ki Pooja Ki Ebadat Ki Zaban

Ye To Hai Rooh Ki Dharkan Ki Mohabbat Ki Zaban

Is Zaban Ke Liye Seenon Mein Adawat Na Bharo

Ye Zaban Pyar Sikhati Hai Ise Pyar Karo

Is mein Hindi Ke Bhi Alfaz Hain Irani Bhi

Is mein Geeta Ke Bhi Alfaz Hain Quraani Bhi

Kon Kehta Hai Arab Se Ye Zaban Aayi Hai

Aur Is Desh Mein Gairon Ki Zaban Chhai Hai

Yahin Janmi Hai Yahin Isne Jawani Payi

Ganga Aur Jamna Ki Lahro Se Rawani Payi

Jis Tarah Bhi Rahe Isko To Yahin Rahna Hai

Hum ko URDU Ke Hareefon Se Yahi Kehna Hai

Apni Tahzeeb Ko Sansar Mein Ruswa Na Karo

Yani URDU Ko Mitane Ka Iradah Na Karo

Apni Pagri Ko Uchala Nahi Jata Logo

Ghar Se Beti Ko Nikala Nahi Jata Logo

Read More

Kabhi jo Deta tha jaan mujh par

Kabhi jo Deta tha jaan mujh par

Usi k dil mein khatak rahi hoon

Zamana bhatka hai teergi mein

Main roshni mein bhatak rahi hoon

Read More

Hamesha ek doosre k haq mein

Hamesha ek doosre k haq mein Dua karege ye tay howa tha

Milein k bichrein magar tumhi se wafa karenge ye tay howa tha

Kahin raho tum kahin rahein hum magar muhabbat rahegi qayam

Jo ye khata hai to umar bhar ye khata karenge ye tay howa tha

Udasiyan har ghari hon lekin hayat katon bhari ho lekin

Khatoot pholoon ki patiyon par likha karenge ye tay howa tha

Jahan mukaddar milaye ga ab wahan milege ye shart kaisi

Jahan mile the wahi hamesa mila karen ge ye tay howa tha

Lipat k ro lege jab milege gham apna apna bayan karege

Magar zamane se muskura kar mila karenge ye tay howa tha

Kisi k aanchal mein kho gaye tum batao kyun door ho gaye tum

K jaan dekar bhi haq wafa ka Ada karenge ye tay howa tha

Read More

Adalat se bache lekin Khuda se bach nahi sakta

Adalat se bache lekin Khuda se bach nahi sakta

Koi gustakh e paigambar Saza se bach nahi sakta

Farishta Moat ka eik roz usko dhoond hi le ga

Kahin bhi ja k chop jaye Qaza se bach nahi sakta

Read More

Khamosh lab hain jhuki hain palkeen

Khamosh lab hain jhuki hain palkeen

dilon mein ulfat nayi nayi hai 

Abhi takalluf hai guftgoo mein 

abhi mohobat nayi nayi hai 

Abhi na aayegi nennd tum ko 

abhi na hum ko sukon mile ga 

abhi to dharke ka dil zeyada 

abhi ye chahat nayi nayi hai 

Bahar ka aaj pahla din hai 

chalo chaman mein tehl k aayen 

faza mein khushbo nayi nayi hai 

gulon pe rangat nayi nayi hai 

Jo khandani raees hain wo 

mizaaj rakhte hain narm apna 

tumhara lehja bata raha hai 

tumhari dolat nayi nayi hai 

zara sa Qudarat ne kya nawaza 

aa k baithy ho pehli saff mein 

abhi se urrny lagy hawa mein 

abhi to shohrat nayi nayi hai

Read More