Wo Bulayen to kya Tamasha ho

Wo Bulayen to kya Tamasha ho

Hum na Jayen to kya Tamasha ho

ye Kinarun se Khelnay walay

Doob jayen to kya Tamasha ho

Banda parwar Jo Hum pe Guzri hai

Hum batayen to kya Tamasha ho

Aaj Hum bhi Teri Wafaon par

Muskurayen to kya Tamasha ho

Teri Surat jo Ittefaq se Hum

Bhool jayen to kya Tamasha ho

Waqat ki Chand Saatein Saghar

Loat aayen to kya Tamasha ho

Sagar Siddiqui